احتفالات ببطولة السوبر المصري وكأنها نهائي كأس العالم
.jpg "تيفو جماهير الزمالك")
حالة الاحتفاء اللي شغاله من امبارح بالفوز ببطولة السوبر المحلي اللي ترتيب البطولة بيجيي في المركز الأخير في البطولات المحلية, يثبت حجم المعاناة اللي عملها الزمالك بفوزه باللقب الاغلى والأهم في القرن الحالي بطولة السوبر الافريقي, لدرجه ان في ناس متصوره أن ينفع تقارن بين البطولتين لمجرد أن طرفها كان الزمالك فقط.
فرحه امبارح وحاله التطاول اللي خرجت في تصريحات إمبارح من أشخاص مرضى نفسيين استغلوا شخص في حاله كرب للتشفي فيه وردود أفعال هي الاقذر والاسوء في مجتمع كروي بذئ لشخص لم يصدر منه أي تصريح مسئ لهذا النادي أو أي تجاوز, كل ده لمجرد أنه كان بيحتفل بفوزه بالبطولة, وكأن الاحتفالات خلقت لجمهور واحد ونادي واحد فقط, واي حد يفكر يحتفل رغم قيمة البطولة والحدث القاري يبقى نقيم عليه الحد علطول.
فرحه إمبارح اللي فيها افورة كبيرة خرجت كون أن الفريق مخسرشي بس قدام الزمالك وأنه قدر ياخد منه لقب حتى لو كان أقل لقب في الموسم, وحتى لو كان بيلاعب فريق متكتف في أصعب ظروفه على الإطلاق مش قادر يسجل فيه هدف خلال 120 دقيقة.
واللي بيقولك الموضوع مش علشان الفوز على الزمالك بركلات الترجيح ومخسرشي منه وبيحاول يصبر نفسه ويعوض نفسه عن خسارة سوبر القرن الافريقي الحدث الأهم والابرز في هذا القرن, يسأل نفسه السؤال ده ما الفارق بين خسارة المنافس لكأس مصر اللي انسحب منه من شهرين وبين فوزه بكأس السوبر المصري المحلي اللي أقل من كأس مصر, لما يلاقي الاجابه هيلاقي سبب الاحتفالات اللي حاصله من امبارح ايه.
وبالمناسبة الانسحاب من كأس مصر علشان مكنوش حابين يخسروا البطولة قدام الزمالك أو بيراميدز وتأثر عليهم قبل السوبر الافريقي الأهم, في الاخر خسروا السوبر الافريقي الأهم وخسروا كأس مصر, ولو شايفين تعويض بطولة قاريه اتلعبت بين الفريقين مرتين خلال 30 سنه بسوبر محلي وماله تمام مفيش مشكله, كل فريق وطموحه ودوافعه بقي.
الاهم بالنسبالي واللي هقولها للمره الأخيرة اني شايف الزمالك قدم ملحمة كبيره امبارح وكان الطرف الأقوى والافضل والأجدر بالفوز رغم كل الظروف القاسية والصعبه اللي بيمر بيها واللي لسه مخلصتش ومعرفشي هتخلص امتى, وأن الفريق لازم يواصل نفس قوته وشخصيته في الدوري اللي هيبدا الجمعة الجاية ويلعب من أجل الفوز بكل المباريات واعتبرها مباريات كؤوس.
ومع احترامي التام لكل الناس اللي قاعده تحلل المباراة وتقول سكواد ومش سكواد, لا فريق الزمالك عناصره افضل من اي حد لكن الفريق ينقصه عناصر تطور وتقلها في حال الغيابات وده لازم يحصل من النهارده علشان يكونوا جاهزين في يناير مع الفريق لان الموسم طويل ويمكن حظه بس السئ أنه بدأ الموسم بمواجهة الأهلي وبيراميدز ورغم كده كان متفوق عليهم وند كبير بكل الظروف والغيابات وعدم انسجام العناصر الجديدة لحد الان مع الفريق وان كل ده هيختلف الفتره المقبلة مع تلاحم المباريات
لكن الأهم الناس تصدق أن الفريق ده قادر على المنافسة على كل البطولات, الأهم أن اللعيبه تستمر على شخصيتها الكبيرة دي خلال الفتره المقبلة في الدوري لان ده اللي هيقودهم للبطولات.
بقلم: عبد اللطيف فوزي
.jpg&description=احتفالات ببطولة السوبر المصري وكأنها نهائي كأس العالم حالة الاحتفاء اللي شغاله من امبارح بالفوز ببطولة السوبر المحلي اللي ترتيب البطولة بيج…){kind=link}
تعليقات
إرسال تعليق