زيزو لعب مع الزمالك والمنتخب الوطني والأوليمبي في الموسم الماضي
.jpg "احمد سيد زيزو الزمالك")
الحالة اللي فيها زيزو راجعة للاجهاد البدني الواضح جدًا عليه من فترة كبيرة، مشكلة الناس أنها بتبص للنتايج دون النظر للأسباب اللي أوصلت النتيجة لكده.
زيزو لعب كل مباريات الزمالك في المواسم الخمسة الأخيرة مكنش بيغيب إلا للإصابات فقط، وزيزو لاعب صعب أي مدرب يفكر في تغييره أيًا كانت النتيجة.
أخر موسم تحديدًا اللي هو لاحم في التلاتة اللي قبله وفي الموسم الحالي كذلك، زيزو مكنش بيريح خالص وفي المنتخب لعب أساسي في كل المباريات منذ قدوم حسام حسن لقيادة المنتخب.
زيزو مع المنتخب، حسام بيعتمد عليه في مركز ٨ مش كجناح وده بيتطلب بذل مجهود بدني أكبر وبيعرضه لالتحامات بدنية عنيفة، كذلك زيزو هو اللي بيقوم بدور دفاع الخط أمام الظهير اللي هو دور الجناح دفاعيًا اللي مبيقومش بيه محمد صلاح.
مع المنتخب الأوليمبي شارك في ٦ مباريات من ٦ في الأولمبياد بعد وصول الفريق لأخر مباراة وهي تحديد المركز التالت بجانب مباراتين تحضيريتين، رجع كان محتاج راحة سلبية طويلة لكن ده كان مستحيل في ظل بداية منافسات الكونفدرالية ومن ثم السوبر الإفريقي والمحلي.
أي حد بيشكك في كده يبص على نوع الإصابة اللي تعرضلها زيزو النهاردة وهي عبارة عن شد في العضلة الخلفية وده سببه الرئيسي الاجهاد البدني، وأي حد هيكلف نفسه ويقرأ هيعرف إن الإجهاد البدني مش بس بيأثر على المردود البدني لا كمان بيأثر بالسلب على التركيز وكذلك طبعاً مرونة العضلات.
بالتالي قرارات كتير غلط بيقع فيها اللاعب بجانب ضعف المرونة العضلية بالتالي مرواغات كتير غير ناجحة تسديدات غير متقنة وعرضيات من وضع حركة غير منضبطة، وده اللي واضح على مستوى زيزو الفترة دي، اللي محتاج راحة وأهي جت اجباري.
Rami Yusuf
.jpg&description=زيزو لعب مع الزمالك والمنتخب الوطني والأوليمبي في الموسم الماضي الحالة اللي فيها زيزو راجعة للاجهاد البدني الواضح جدًا عليه من فترة كبيرة…){kind=link}
تعليقات
إرسال تعليق